Scripta n° 5509

Numéro Scripta	5509

Auteur(s)	Coutances (official)
Bénéficiaire(s)	Julien de Zancate, Coutances (chanoine)

Genre d'acte	charte
Authenticité	non suspect
Datation	1297, 26 avril
Lieu d'émission	Coutances
Action juridique	autre
Langue du texte	latin

Analyse

Robert Basire ratifie la vente faite par Nicolas de Maeserey et Petronille à Julien de Zancate.

Tableau de la tradition

Éditions principales

a. Fontanel Julie, Le cartulaire du chapitre cathédral de Coutances, Saint-Lô, Archives départementales de la Manche (Sources inédites sur l’histoire du département de la Manche ; 1), 2003, n° 321, p. 460-461..

Texte établi d’après a

Universis hec visuris, officialis Constanciensis, salutem in Domini. Noveritis quod presens in jure coram nobis Robertus Basirie, de parrochia de Chambernon, recognovit spontanee se ratas et gratas habuisse et habere venditionem, concessionem et dimissionem sex bussellorum frumenti ad mensuram Constanciensem annui redditus [ad festum] sancti Michaelis finaliter factas venerabili viro Juliano de Zancato, canonico Constanciensi, a Nicolao de Maesereio et Petronilla, ejus uxore, sorore dicti Roberti ; quem redditum Petrus Basirie, pater ipsorum Roberti et Petronille dederat in dotem seu maritagium eidem Petronille cum dicto Nicolao, eumdemque redditum ipsis Nicolao et Petronille assignaverat idem pater supra quamdam peciam terre sitam in dictam parrochia, duas acras integre continentem, et specialiter obligaverat eisdem Nicolao et Petronille ad faciendam ibidem suam justiciam plenariam pro dicto redditu, nisi sibi annuatim ad dictum festum sancti Michaelis libere redderetur, sine contraditione alicujus. Que quidem pecia terre est juncta ex uno latere et attingit ex uno capite ad aliam terram dicti Petri Basirie et ex alio latere ad terram quam tenet Johannes Savari, ratione Eremburge uxoris [sue], et attingit ex alio capite ad terram Mathei de Monroc ; et promisit idem Robertus quod ipse prefatum canonicum et alium quemlibet qui ratione ipsius canonici jus habuerit in dicto redditu ratione ipsius canonici permittet tenere, percipere et habere in posterum redditum supradictum libere et quiete, ac facere suam justiciam plenariam super dictas duas acras terre pro dicto redditu, nisi sibi anno quolibet ad festum dicti sancti Michaelis libere redderetur, sine contradictione alicujus. Et quod est actum, dictum et conventum, verbis expressis inter ipsos canonicum et Robertum quod idem Robertus predictum redditum liberabit canonico memorato et cuicumque allii idem canonicus hujus redditum dederit, vendiderit seu alias obligaverit, sub quocumque titulo seu causa, et quod si contingeret eumdem redditum minui quoquomodo, idem Robertus eumdem redditum in sua hereditate proxima excambiaret ac furniret ipsumque J[ulianum] de Zancato et alium quemlibet jus aliquod seu causam habentem ibidem ratione ipsius canonici indempnem super hiis modis omnibus observaret, pena sex librarum tur. super hoc apposita, solvenda a dicto Roberto prefato canonico et cuilibet alii suo tempore jus aliquod seu causam ibidem habenti ratione ipsius canonici si dictus Robertus deficeret in premissis vel in [aliquo premissorum, ita] quod dicta pena soluta si eam committi contingerit ; tenetur nichilominus idem Robertus premissa facere et implere se heredesque suos et bona sua omnia, mobilia et immobilia, dicto J[uliano] de Zancato propter hoc obligando renunciavitque super hiis prefatus Robertus exceptioni doli mali, fori falsi, peccunie in utilitatem ipsius Roberti non converse, cause non secute, privilegiis cruce signati indultis ac indulgendis, deceptioni cujuslibet et aliis universis de premissis faciendis fideliter et implendis et de non veniendo contra juramento ab eodem Roberto prestito corporaliter coram nobis ; et nos ipsum Robertum volentem et consencientem ad hoc dicto J[uliano] de Zancato condempnamus. In cujus rei testimonium, sigillum curie Constanciensis unacum sigillo Roberti presentibus est appensum. Actum et datum Constantiis, anno Domini millesimo CC° nonagesimo septimo, die veneris post festum sancti Marci evangeliste, de consensu parcium.

Pour citer l'acte :

« Acte 5509 », dans SCRIPTA. Base des actes normands médiévaux, dir. Pierre Bauduin, Caen, CRAHAM-MRSH, 2010-2024. En ligne : https://mrsh.unicaen.fr/scripta/doc/sc_5509.html [consulté le 21/11/2024].

Création de la fiche

2010-01-28

Dernière mise à jour

2023-12, EMancel