⇪PDF

Scripta n° 768

Numéro Scripta768
Auteur(s)Guillaume Florie, du Quesnay [particulier]
Bénéficiaire(s)Le Tréport, Saint-Michel (abbaye)
Genre d'actecharte
Authenticiténon suspect
Datation1261, octobre
Action juridiquevente
Langue du texte latin

Analyse

Vente à l’abbaye d’une rente de quatre sous tournois, par Guillaume, dit Florie, du Quesnay

Tableau de la tradition

Éditions principales

a. Laffleur de Kermaingant Pierre, Cartulaire de l’abbaye de Saint-Michel du Tréport (ordre de Saint-Benoît), Paris, Didot, 1880, n° CCXI, p. 237-238..

Texte établi d’après a

Notum sit omnibus, presentibus et futuris, quod ego Willermus, dictus Florie de Kesneto, vendidi et concessi dominis meis, viris religiosis abbati et conventui de Ulteriori Portu, pro quadraginta solidis turonensium michi pre manibus solutis, quatuor solidos turonensium annui redditus super totum tenementum meum, quod de ipsis teneo apud Kesnetum, ad campum et ad villam, videlicet super masuram meam sitam inter masuram Johannis Vavassoris, ex una parte, et masuram Johannis le Cat, ex altera, et aboutat ad croutam Galteri, prepositi, ex una parte, et ad vicum, ex altera ; item super unum jornale terre mee situm inter viam que ducit de Ulteriori Portu apud Crioleum, ex una parte, et inter terram Nicholai, filii Wascelini, ex altera, et aboutat ad terram Johannis le Cat, ex una parte, et ad terram Osberni le Cornier, ex altera ; tenendos et habendos predictos quatuor solidos turonensium annui redditus dictis abbati et conventui, et successoribus eorum, et de me et heredibus meis dictis abbati et conventui, et eorum successoribus, annuatim ad festum sancti Remigii persolvendos libere, quiete et pacifice, sine contradictione seu reclamatione mei vel heredum meorum de cetero facienda. Hanc autem venditionem ego, predictus Willermus Florie, et mei heredes dictis abbati et conventui, et successoribus eorum, contra omnes in perpetuum garantizare tenemur, et de dote et de omnibus aliis rebus, per obligationem omnium bonorum nostrorum mobilium et immobilium, ubicunque fuerint, deliberare. Et si predicti quatuor solidi turonensium ad festum sancti Remigii non solverentur, dicti abbas et conventus, et eorum successores, poterunt totum predictum tenementum nemmiare, pro redditu et pro emenda. Et illi quatuor solidi turonensium annui redditus ad opus anniversariorum et ad anniversarium Wascelini de Kesneto assignantur. In cujus rei testimonium, presentem cartam sigilli mei munimine roboravi. Actum anno Domini Mº. CCº. LXº, primo, mense octobris. Testibus hiis : Galtero Forestario, tunc preposito, Nicholao, filio Wascelini, Johanne, dicto Oiselet, et pluribus aliis.

Pour citer l'acte :

« Acte 768 », dans SCRIPTA. Base des actes normands médiévaux, dir. Pierre Bauduin, Caen, CRAHAM-MRSH, 2010-2024. En ligne : https://mrsh.unicaen.fr/scripta/doc/sc_768.html [consulté le 21/11/2024].

Création de la fiche

2006-05-12

Dernière mise à jour

2023-12, EMancel