Scripta n° 4666

Numéro Scripta	4666

Auteur(s)	Guillaume de Passavant, Le Mans (évêque)
Bénéficiaire(s)	Yvrandes, Notre-Dame, dépendance Le Plessis-Grimoult (prieuré)

Genre d'acte	charte
Authenticité	non suspect
Datation	[1173-1187]
Action juridique	autre
Langue du texte	latin

Analyse

Guillaume, évêque du Mans, tranfère au prieuré d’Yvrandes la dotation constituée par Guillaume de Tracy pour la léproserie de Couesmes.

Tableau de la tradition

Éditions principales

a. Musset Lucien, Cartulaire des possessions de l’abbaye du Plessis-Grimoult pour le département de l’Orne, Le Pays Bas-Normand, n° 52, 1959, n° 90..

Texte établi d’après a

W. Dei gratia Cenomanensis episcopus, universis fidelibus salutem. Quoniam veritas inter improbos sub scripti auctoritate tutior conservari solet, notum fieri curavimus quod, cum W. de Traceio pro salute sua et patris et matris sue aliorumque predecessorum suorum, apud Coysmes edificasset quandam domum leprosorum, eisque ad suffragium victus de bonis suis elemosinam instituisset, domo illa a leprosis vacante, et aliquandiu a leprosis non habitata, nos, ad petitionem domini regis Anglorum Henrici, universos redditus illius domus Alano clerico fratri supradicti W. dedimus et concessimus. Postmodum autem eodem Alano elemosinam illam sponte sua in manu nostra dimittente, ad mandatum et commonitionem domini regis Anglorum Henrici, et ad preces supradicti Alani, universos redditus domui illi assignatos ecclesie beate Marie de Ivranda pro salute supradictorum W. et patris et matris sue aliorumque predecessorum suorum dedimus et concessimus. Hec sunt beneficia que ecclesie beate Marie de Ivranda mandato supradicti domini regis Anglorum et assensu prefati Alani dedimus in perpetuum et concessimus : W. de Traceio dedit in perpetua elemosina. XI. jugera terre et pratum et molendinum cum molitura hominum suorum, et. L. solidos cenomanensium annuatim ex his locis suscipendos : ex Huelineria XXI sol., ex feodo Hamonis de Agneio XX sol., ex Loreio V sol., et ex feodo Hugonis de Moncorbel V. sol. Gaufridus etiam de Mongerol, intuitu divino et honore suo eisdem leprosis in perpetuum dedit et concessit de censualibus denariis suis quos habebat apud Montauden V sol. cenomanensium in festo omnium sanctorum suscipendos, W. primogenito filio suo hoc concedente, et Hugo de Mongerol similiter de censualibus denariis de Brivis V sol. in festo Sancti Mauricii, Robertus quoque Morehen VII d., Hugo de Basella VI d. singulis annis reddendos et W. Gere decimam molendini de Jarreia, idem etiam W. et Hugo Bretel eisdem leprosis in perpetuum dederunt et concesserunt decimam molendini de Brooteria et Odo de Mongerol decimam molendini de Foles, et idem Odo et Gaufridus de Fonteneio decimam molendini de Fonteneio et W. de Buris decimam molendini sui de Buris, Henricus de Gastinis I arietem et I gallinam annuatim suscipiendos in terra quam idem Henricus habet, de dono W. de Traceio, Torgisius quoque de Traceio eisdem leprosis dedit in perpetuum et concessit duo quartaria frumenti, et Alanus de Sancto Petro XII d. similiter annuatim reddendos, et Hugo de Moncorbel VI d. similiter censuales, W. Espechel similiter VI d. censuales in terra Aalardi quam idem Aalardus et heres suus de leprosis illis tenebunt liberam et ab omni alio servicio quietam. Huic donationi a nobis facte ecclesie beate Marie de Ivranda interfuerunt : Esgaretus capellanus, Ivo magister scolarum, W. archidiaconus, Eustachius archidiaconus, magister Ernaldus, Robertus capellanus episcopi Bajocensis, Osmondus de Flex, magister Alanus de Buays, Adam clericus et multi allii. Quod ut fidelius conservetur, id litteris annotari et sigilli nostri munimine fecimus communiri.

Pour citer l'acte :

« Acte 4666 », dans SCRIPTA. Base des actes normands médiévaux, dir. Pierre Bauduin, Caen, CRAHAM-MRSH, 2010-2024. En ligne : https://mrsh.unicaen.fr/scripta/doc/sc_4666.html [consulté le 09/05/2024].

Création de la fiche

2008-10-29

Dernière mise à jour

2023-12, EMancel