Scripta n° 4371

Numéro Scripta	4371

Auteur(s)	Coutances (vicomte)
Bénéficiaire(s)	La Lucerne-d’Outremer, Sainte-Trinité de La Lucerne (abbaye)

Genre d'acte	charte
Authenticité	non suspect
Datation	1298, 6 octobre
Action juridique	notification
Langue du texte	ancien français

Analyse

Le vicomte de Coutances fait savoir que le clerc Thomas Asce de Moyon a reconnu devant lui avoir vendu à l’abbé et aux chanoines de La Lucerne une rente annuelle pour 47 sous tournois.

Tableau de la tradition

Éditions principales

a. Dubosc François, Cartulaire de la Manche, abbaye de la Luzerne, abbaye de Mont-Morel, prieuré de la Perrine, Saint-Lô, Jacqueline fils (Archives départementales de la Manche), 1878, Luzerne, n° CLVI, p. 144-145..

Texte établi d’après a

A touz ceus qui ces lectres verront le visconte de Coustances saluz. Sachent touz que par devant nos présent Thomas Asce, clerc, de Moyon, de son gré, requenut aveir vendu et delessi en perpetuel héritage à hommes religios labbei et le convent de La Luiserne treis demeax de forment à la mesure de Coustances, danuel rente à la feste Saint Michiel et un pain et un chapon de regart à Noel, que rendoient jadis et estoient tenus rendre à Giefrei Hervei, eu temps que il viveit, Jehan Rogres et Robin Du Jardin sus tels tenemens comme il teneint de li eu fuy et en la seignorie as diz religios, por quarante et sept souz de torneiz tant por principal que por treiziesme, donc ledit Thomas se tint bien por paié par devant nos comme procurator Johan de La Haye, prestre, Johan de la Haie, clerc, et Giefrei de La Lande et Guillaume de La Lande, clerc, frères, hers Thomas Hervei, mort, fiz jadis dudit Giefrei Hervei, à prendre, à leveir et à aperceveir asdiz religios et à lor successors la rente et le regart dessus diz franchement, quitement et empès, o tout le dreit et la seignorie que les diz hers i aveient ou poraient aveir et deveient ; et sont et seront tenuz le dit Thomas et ses hers as dis religios et à lor successors toute la rente et le regart dessus diz deffendre, délivrer et garantir envers touz ou allors eschangier, value à value en son propre héritage, se mestier en esteit. Et à cen tenir et acomplir le dit Thomas Asce obliga lui et ses hers et touz ses biens meubles et non meubles, presenz et à venir, où que ils soient, à vendre et à despendre par la justise de Rey por defaute des dites choses enterrignier, et por les despens rendre, se mestier en esteit. Et renoncha, quant à cen, à toutes exceptions et deffenses. En tesmoing de cen nos avon mis à ces lettres le scel de la visconté de Coustances, sauf le dreit le Rey et autrui. Cen fut fait l’an de grâce mil CC nonante et oict, le lundi devant la feste Saint-Dyonis.

Pour citer l'acte :

« Acte 4371 », dans SCRIPTA. Base des actes normands médiévaux, dir. Pierre Bauduin, Caen, CRAHAM-MRSH, 2010-2024. En ligne : https://mrsh.unicaen.fr/scripta/doc/sc_4371.html [consulté le 24/11/2024].

Création de la fiche

2008-08-28

Dernière mise à jour

2023-12, EMancel