⇪PDF

Scripta n° 3548

Numéro Scripta3548
Auteur(s)Eudes Rigaud, Rouen (archevêque)
Bénéficiaire(s)Vernon (hôtel-Dieu)
Bénéficiaire(s)Les Andelys (hôtel-Dieu)
Genre d'actecharte
Authenticiténon suspect
Datation1256, 29 novembre
Lieu d'émissionPontoise
Action juridiqueautre
Langue du texte latin

Analyse

Lettres d’Eude Rigaud, archevêque de Rouen, relatives aux Maisons-Dieu de Vernon et d’Andely.

Tableau de la tradition

Éditions principales

a. Delisle Léopold, Cartulaire normand de Philippe-Auguste, Louis VIII, Saint-Louis et Philippe le Hardi, Caen, Hardel (MSAN ; 16, 2e série, 6, p. 160-390), 1852, n° 570, p. 106..

b. Delisle Léopold, Passy Louis, Mémoires et notes de M. Auguste Le Prévost pour servir à l’histoire du département de l’Eure, Évreux, Hérissey, 1862, t. 1, p. 118 (extrait)..

c. Société de l’histoire de normandie, Vernier Jules-Joseph, Recueil de fac-similés de Chartes normandes, publiés à l’occasion du cinquantenaire de sa fondation (1869-1919), Rouen/Paris, A. Lestringant/A. Picard, 1919, Planche XXVIII, p. 29-30..

Texte établi d’après c

Universis presentes litteras inspecturis, frater Odo, permissione divina Rothomagensis ecclesie minister indignus, salutem eternam in Domino Jhesu Xpisto. Notum vobis facimus quod, cum excellentissimus dominus Ludovicus, Dei gratia Francorum rex illustris, attenta nimia paupertate cujusdam Domus Dei site Vernone, in Ebroicensi diocesi, eamdem, pietatis intuitu, proponeret edificiis et redditibus ampliare, ut pauperes confluentes ad eam ibidem valerent commode sustentari, nos, ejusdem domini regis pio faventes proposito, ex parte ipsius instanter super hoc requisiti, redditus et bona immobilia quecumque pertinentia ad quamdam Domum Dei que quondam edificata supra pontem Vernonis in Rothomagensi diocesi et postmodum, alcius elevato ponte, depressa quasi inutilis et inhabitabilis habebatur liberaliter et benigne concessimus, de concessu expresso Rothomagensis capituli, ad dictam Domum Dei Vernonis Ebroicensis diocesis transferenda et nomine ejusdem domus imperpetuum pacifice possidenda. Memoratus autem rex et dominus, nolens ex nostra liberalitate predicta juri Rothomagensis ecclesie in aliquo prejudicium generari, estimacione per viros fide dignos facta bonorum immobilium et reddituum predictorum ad dictam Domum Dei supra pontem Vernonensem edificatam spectancium que fuerunt per predictos viros usque ad summam quinquaginta librarum parisiensium annui redditus estimata, in recompensacionem dicte liberalitatis nostre dedit et concessit in puram et perpetuam elemosinam, ad instanciam nostram, Domui Dei Andeliacensi, Rothomagensis diocesis, quinquaginta libras parisiensium annui redditus in prepositura sua Andeliacensi, percipiendas annis singulis ad terminos qui sequntur, videlicet, octo diebus ante Purificationem Beate Marie medietatem, et octo diebus ante Ascensionem Domini aliam medietatem. Voluit preterea sepefatus dominus rex et precepit ut quicumque pro tempore dictam preposituram tenebit dictam summam pecunie priori predicte Domus Dei Andeliacensis qui pro tempore fuerit sine difficultate qualibet persolvat, prout superius est expressum. Voluit etiam predictus dominus rex et precepit predictam donacionem suam a suis heredibus et successoribus inviolabiliter observari. In cujus rei testimonium, ad instanciam dicti domini regis, presentes litteras sigillo nostro fecimus sigillari. Datum Pontisare in vigilia Beati Andree apostoli, anno Domini millesimo ducentesimo quinquagesimo sexto.

Pour citer l'acte :

« Acte 3548 », dans SCRIPTA. Base des actes normands médiévaux, dir. Pierre Bauduin, Caen, CRAHAM-MRSH, 2010-2024. En ligne : https://mrsh.unicaen.fr/scripta/doc/sc_3548.html [consulté le 24/11/2024].

Création de la fiche

2008-07-11

Dernière mise à jour

2023-12, EMancel