Scripta n° 4131

Numéro Scripta	4131

Auteur(s)	Louis IX, France (roi)
Bénéficiaire(s)	Simon de Dammartin, Ponthieu (comte)

Genre d'acte	charte
Authenticité	non suspect
Datation	1223, mai
Lieu d'émission	Beaumont
Action juridique	autre
Langue du texte	latin

Analyse

Louis [IX], roi de France, notifie l’accord conclu entre le comte Simon de Ponthieu et sa femme Marie, cousine du roi, d’une part, et Robert Malet, sa femme et sa tante, d’autre part, sur la terre du comte Robert d’Alençon. 

Tableau de la tradition

Éditions principales

a. Delisle Léopold, Cartulaire normand de Philippe-Auguste, Louis VIII, Saint-Louis et Philippe le Hardi, Caen, Hardel (MSAN ; 16, 2e série, 6, p. 160-390), 1852, n° 1149, p. 314-315..

Texte établi d’après a

Ludovicus, Dei gratia, Francorum rex. Noverint universi, presentes litteras, quod de contentione que erat inter dilectos et fideles nostros Symonem, comitem Pontivi, et karissimam consanguineam nostram Mariam, uxorem ejus, comitissam, ex una parte, et Robertum Malet et uxorem ejus, et Helam, materteram ipsius Roberti, ex altera, super terra Roberti, comitis Alenconii, dicti comes et comitissa et uxor sua, pro se et Hela, matertera sua, et karissimam matrem nostram, Blancham, Francie reginam illustrem, et karissimum et fidelem patruum nostrum, Philippum, comitem Bolonie, compromiserunt ad faciendum voluntatem ipsorum ; et ipsi in dicto suo dixerunt quod dictus Robertus Malet affidabit dicto comiti Pontivi CXL libratas terre ad monetam turonensem in terra et redditibus et hominibus extra Sagium, per juramentum duorum militum, videlicet Gaufridi Rossel, ex parte comitis et comitisse, et Guillelmi de Merula, ex parte dicti Roberti ; et si isti duo discordabant, tercium militem opposuerunt, videlicet Hugonem de Atxes. Per istorum trium vel duorum ex illis legitimum juramentum fiet dicta affidatio, et per istud dictum dictus Robertus Malet et heredes sui remanent in pace de tota terra quam tenet, que fuit comitis Roberti de Alenconio, et de hoc quod ei debet attingere de eschaeta dicte Hele, matertere sue, et de eschaeta que potest ei accedere de dote comitisse Ame de Alenconio, et dicta terre affidatio fiet ad usus et consuetudines Normannie qui modo currunt. Preter ista autem Hela, matertera predicti Roberti, remanet in pace erga predictum comitem et ejus uxorem et eorum heredes, quamdiu vixerit, de tota terra quam tenet, per XX libras turonensium, quas dictus Robertus Malet vel ipsius heredes reddent annuatim ad festum Omnium Sanctorum predicto comiti et uxori sue vel eorum heredibus, quamdiu dicta Hela vixerit, et, ipsa mortua, de dictis viginti libris quiti crunt et heredes sui. Post decessum autem dicte Hele, talis pars terre quam dictus Robertus Malet debebit habere et heredes sui, de terra quam tenet dicta matertera sua, ad usus et consuetudines patriarum, in quibus dicte terre site sunt, sine contradictione deveniet quiete ad, dictum Robertum et heredes suos in perpetuum sine reclamatione comitis et comitisse Pontivi et heredum suorum, et dictus comes vel ejus uxor sive ipsorum heredes nichil in parte terre que dicto Roberto Malet vel ipsius heredibus debet provenire, aliquo modo, de cetero poterunt reclamare ; et in alia parte terre quam dicta tenet, dictus comes vel ejus uxor vel eorum heredes, post decessum dicte Hele, erga alios jus suum poterunt reclamare, et in tali statu, quali modo sunt, erunt de alia parte terre quam dicta Hela tenet modo. Nos autem, prefatum dictum gratum habentes et ratum, ipsum, ad petitionem partium, sigilli nostri auctoritate duximus confirmandum. Actum apud Bellummontem, anno Domini Mº CCº XXXIIIº mense maio.

Pour citer l'acte :

« Acte 4131 », dans SCRIPTA. Base des actes normands médiévaux, dir. Pierre Bauduin, Caen, CRAHAM-MRSH, 2010-2024. En ligne : https://mrsh.unicaen.fr/scripta/doc/sc_4131.html [consulté le 21/11/2024].

Création de la fiche

2008-08-20

Dernière mise à jour

2023-12, EMancel