⇪PDF

Scripta n° 6574

Numéro Scripta6574
Autre(s) référence(s)Bates 261 / ARTEM 1928
Auteur(s)Guillaume Ier le Conquérant, Angleterre (roi)
Bénéficiaire(s)Saint-Wandrille-Rançon, Saint-Wandrille (abbaye)
Genre d'actediplôme
Authenticiténon suspect
Datation1074, mai
Lieu d'émissionRouen
Action juridiqueconfirmation
Langue du texte latin

Analyse

Guillaume [Ier], roi d’Angleterre, confirme les biens qui avaient donnés à l’abbaye Saint-Wandrille avant et depuis sa destruction.

Tableau de la tradition

Éditions principales

a. Lot Ferdinand, Études critiques sur l’abbaye de Saint-Wandrille, Paris, Champion, 1913, recueil des chartes, n° 38..

b. Bates David, Regesta Regum Anglo-Normannorum, the Acta of William I (1066-1087), Oxford, Clarendon Press, 1998, n° 261, p. 786-788..

Texte établi d’après b

IN NOMINE SUMMÆ ET INDIVIDUÆ TRINITATIS, PATRIS ET FILII ET SPIRITUS SANCTI, AMEN. EGO WILLELMUS DISPOSITIONE DEI REX [ANGLO]RUM et comes invictus Normannorum, divina gratia preventus atque Deo dignis patrum præcedentium animatus exemplis, qui sanctas sanctorum Dei ecclesias [propriis] sumptibus aut a fundamentis multimoda devotione construxerunt aut constructas ornamentis diversis aut prædiis, sive aliis rebus servorum Dei necessitatibus profut[uris, pro] suarum redemptione animarum affatim ditarunt, hac sibi ratione talique commertio celum comparantes et thesauros suos tut[o] loco repositos [eternali]ter recepturi prudenter ante se premiserunt, in loco qui dicitur Fontinella prius a sancto Wandregisilo nobiliter exstructo, quondam perversorum bacante gladio ad [solum usque] diruto, sed avi mei RICARDI pia diligenti[a restaurato,] dominico sermone ammonitus dicente, ’reddite quæ sunt Cæsaris Cæsari et quæ sunt Dei Deo’, ac fidelium usus consilio, dono pro anime mee remedio et [parentum precedentium ac univer[se] prolis a Deo mihi] concesse ad supplementum victus servorum Dei ipsi in eo servientium, decimas sive possessiones et predia subnotata et ea que eiusdem loci iuris fuerant [ante ipsius devastationem que] huc usque nostris cesserunt usibus et dominationi devote et humiliter restauro, ut eorum qui idem sanctum coenobium edificaverunt meniis, ditarunt facultatibus et præ[diis, particeps et] consors in æterna sanctorum gloria merear inveniri. Id est, villam quæ dicitur Esketoth iuxta Banna, et ecclesiam cum omnibus suis pertinentiis ; et decimam thelonei de Bannis, et molituram eiusdem [ville, et de Veau] villa cum omnibus illic ad me pertinentibus ; ecclesiam de Flamenvilla cum decimis ; ecclesiam de Alovilla cum decimis eiusdem villæ ; [Crescetot] cum h[ospit]ibus. Item ecclesias sanctæ [Marie et sancti Georgii] de Gravenchone cum decimis et duos hospites ; et ecclesiam de Maisnillo cum decimis ; [Bertrim]ont et ecclesiam cum pertinentiis et novem hospites ; [Gructe]villam et ecclesiam [cum decimis ; ecclesias sancti] Victoris in Campania et de Ansquetiervilla cum decimis et quinque vavassores ; mansum [cum te]rritorio de Budetoth quod in domino habeo et ecclesiam [cum decimis ; terram Anselmi mei militis que vocatur] Grofaith ; villam que vulgo dicitur Boscgerart et ecclesias cum decimis ; Novam villam super Alnam et ecclesiam cum decimis ; in pago Sa[giensi, ecclesias Argentoni cum capellis et decimis,] ecclesias de Sarchiaus, Mauuoithvillam, Corlandi, Setfreville, cum decimis earum, et terram unius carruce sufficientem ; in Crispavilla te[rram Manninc et terram Bruninc cum quattuor allo] dariis ; in Waldrevilla terram Rod[ulphi] et Engerranni cum uno molendino ; in Cantaluppo quandam particulam saltus. Quæ omnia [auctoritate niminis mei corroboro et] confirmo et trado supradicto loco in perpetuum possidenda, ac cum consilio et auctoritate episcoporum meorum subter ascriptorum an[athematizo omnes hanc nostram concessionis] paginam infringere presumentes.
Signum Willelmi regis Anglorum et principis No[rmannorum +]. S(ignum) Roberti regis primogeniti ++. S(ignum) Johannis Rothomagensis archiepiscopi +. S(ignum) Hugonis Luxoviensis +. S(ignum) Gilleberti E[broicensis +.] S(ignum) Willelmi +. S(ignum) Henrici +. S(ignum) Odonis Baiocensis episcopi +. S(ignum) Michaelis Abrincatensis +. S(ignum) Roberti Sagiensis +.
Actum Rothomagi publice, mense Mai[o], anno ab Incarnatione Domini M[LX]XIIII, indictione XII, qui erat nostri adepti [regni octavus].

Pour citer l'acte :

« Acte 6574 », dans SCRIPTA. Base des actes normands médiévaux, dir. Pierre Bauduin, Caen, CRAHAM-MRSH, 2010-2024. En ligne : https://mrsh.unicaen.fr/scripta/doc/sc_6574.html [consulté le 09/05/2024].

Création de la fiche

2012-06-04

Dernière mise à jour

2023-12, EMancel