⇪PDF

Scripta n° 3487

Numéro Scripta3487
Auteur(s)Eudes, Lisors, Notre-Dame de Mortemer (abbaye, abbé)
Genre d'actecharte
Authenticiténon suspect
Datation1248, juin
Lieu d'émissionCastrum Noeryarum
Action juridiquenotification
Langue du texte latin

Analyse

L’abbé Eudes et les moines de Mortemer font savoir qu’à leur demande, le roi L[ouis IX] leur a assigné toute la vallée de Mortemer et a concédé 325 arpents de bois avec une terre dans la forêt royale de Lyons, près de ladite abbaye. Ils ne pourront pas vendre ledit bois sans permission spéciale du roi

Tableau de la tradition

Éditions principales

a. Delisle Léopold, Cartulaire normand de Philippe-Auguste, Louis VIII, Saint-Louis et Philippe le Hardi, Caen, Hardel (MSAN ; 16, 2e série, 6, p. 160-390), 1852, n° 474, p. 79..

b. Delisle Léopold, Passy Louis, Mémoires et notes de M. Auguste Le Prévost pour servir à l’histoire du département de l’Eure, Évreux, Hérissey, 1862-1869, 3 vol., t. 2, p. 317-318..

Texte établi d’après a

O. Mortuimaris in Leonibus dictus abbas et ejusdem loci conventus, omnibus presentes litteras inspecturis, salutem in Domino. Notum facimus universis, tam presentibus quam futuris, quod, cum nos peteremus ab excellentissimo et karissimo domino nostro L., Dei gracia, Rege Francorum illustri, totam vallem Mortui Maris, et contentio verteretur inter ipsum et nos pro lateribus dicte vallis, tandem, pro bono pacis et pro salute anime ipsius, assignavit nobis et concessit trecenta viginti quinque arpenta nemoris sui cum terra in foresta sua de Leonibus, sita circa abbatiam nostram, videlicet centum quadraginta et novem arpenta, que movent de defenso de Torfrevilla, usque ad metas que posite sunt in fundo vallis, juxta boutum terrarum nostrarum, et ab eadem meta centum sexaginta sexdecim arpenta usque ad carreriam de Lysorcio a parte altera abbatie nostre. Predictum autem nemus vendere non poterimus sine ipsius Domini Regis et successorum suorum licentia speciali ; et sciendum, quod pro hiis trecentis viginti quinque arpentis predictis nos tenuimus pro pagatis pro tota dicta valle, quam ab ipso exigebamus, renunciantes omni juri et proprietati que habebamus vel habere poteramus aliqua racione in valle supradicta preterquam usuario et asiamentis nostris, sicut in alia foresta habebamus ante istam compositionem. Hec autem predicta concessit nobis dominus Rex, salvo jure alieno. Quod ut ratum et stabile permaneat, presentem paginam sigilli nostri munimine duximus roborandam. Actum apud Castrum Noeryarum, anno Domini, Mº CCº quadragesimo octavo, mense junyo.

Pour citer l'acte :

« Acte 3487 », dans SCRIPTA. Base des actes normands médiévaux, dir. Pierre Bauduin, Caen, CRAHAM-MRSH, 2010-2024. En ligne : https://mrsh.unicaen.fr/scripta/doc/sc_3487.html [consulté le 22/12/2024].

Création de la fiche

2008-07-09

Dernière mise à jour

2023-12, EMancel