⇪PDF

Scripta n° 941

Numéro Scripta941
Auteur(s)Richard de Bohon, Coutances (évêque)
Bénéficiaire(s)Hugues d’Amiens, Rouen (archevêque)
Bénéficiaire(s)Rouen (chapitre cathédral)
Genre d'actelettre
Authenticiténon suspect
Datation1156, 29 avril
Lieu d'émissionCerisy
Action juridiquerèglement conflit
Langue du texte latin

Analyse

Richard, évêque de Coutances, et Patrice, archidiacre de Bayeux, délégués comme juges par le pape Adrien IV, entre le chanoine Philippe et le chanoine Geoffroy d’Amfréville, au sujet de la terre d’Escures rattachée à la prébende de Saint-Jean de Caen, rendent compte de leur jugement à Hugues, archevêque de Rouen, et à son chapitre.

Tableau de la tradition

Éditions principales

a. Bourrienne Valentin (Abbé), Antiquus cartularius ecclesiæ Baiocensis (Livre noir), Rouen-Paris, Lestringant-Picard (Société de l’histoire de Normandie), 1902-1903, 2 vol., n° CL, t. 1, p. 181-182..

Texte établi d’après a

Reverendo patri et domino karissimo Hugoni Dei gratia Rothomagensi archiepiscopo, totique Rothomagensis ecclesiæ canonicorum conventui, Ricardus, Constanciensis ecclesiæ minister humilis, salutem, et devotam in omnibus obedientiam. Philippus, Baiocensis ecclesiæ canonicus, eo quod quadam parte præbendæ suæ, videlicet de terra de Scuris, ut asserebat, injuste fuerat spoliatus, querimoniam in præsentia domini papæ Adriani deposuit, et sibi inde justiciam exhiberi postulavit. Unde controversiam ejusdem Philippi adversus Gaufridum de Amfrevilla, Baiocensis ecclesiæ canonicum, qui ex donatione domini Philippi, Baiocensis episcopi, prædictam terram in præbenda possidebat, ego et Patricius, Baiocensis archidiaconus, per apostolica scripta judices delegati, congruo tempore et loco terminandam suscepimus. Diem itaque et locum agendi apud Cyrisiacum, dominica qua cantatur Misericordia Domini, tertio videlicet kalendas maii, utrique parti constituimus. Ibi siquidem, utroque præsente, in præsentia plurimorum, hinc inde habita verborum multitudine, Philippus, tandem communicato cum fratribus et amicis consilio, et rem in controversia deductam in manu nostra refutavit, et quod non amplius reclamaret, causæ renuntiando, coram omnibus affirmavit. Ne possit igitur super hac re malignorum suggestio litem in posterum suscitare, quod inde factum est dignum duximus præsentium litterarum testimonio commendare. Actum est hoc anno ab Incarnatione Domini millesimo centesimo quinquagesimo sexto ; præsentibus : Theoderico, abbate de Sancto Laudo ; Ricardo, episcopo, et Philippo, archidiaconis (sic) ; et de ecclesia Baiocensi : Willelmo, decano ; Henrico, præcentore ; Hunfrido, cancellario ; Roberto, subdecano ; Ricardo, succentore ; Willelmo, sacrista ; Herberto de Ponte Ilberti ; Ricardo de Ros ; Willelmo de Broilo ; Hugone de Sancto Georgio  ; Tustino ; Radulfo Suhart ; Rogero de Arreio ; Radulfo de Petrariis ; Radulfo, filio Riculfi ; magistro Durando ; Galtero, fratre Thomæ, archidiaconi ; et pluribus aliis.

Pour citer l'acte :

« Acte 941 », dans SCRIPTA. Base des actes normands médiévaux, dir. Pierre Bauduin, Caen, CRAHAM-MRSH, 2010-2024. En ligne : https://mrsh.unicaen.fr/scripta/doc/sc_941.html [consulté le 21/11/2024].

Création de la fiche

2006-05-15

Dernière mise à jour

2023-12, EMancel