Scripta n° 2710

Numéro Scripta	2710

Auteur(s)	Bellême (doyen)
Bénéficiaire(s)	Saint-Martin-du-Vieux-Bellême, Saint-Martin, dépendance Saint-Martin de Marmoutier (prieuré)

Genre d'acte	charte
Authenticité	non suspect
Datation	1294, 9 janvier
Action juridique	règlement conflit
Langue du texte	latin

Analyse

Sentence du doyen de Bellême qui termine un différend au sujet de la perception des dîmes entre le prieur de Bellême, d’une part, et Guillaume Menart, Jean Culfroit, et Jean Fouques, d’autre part, sur des terres sises à Dancé.

Tableau de la tradition

Éditions principales

a. Barret Philibert (Abbé), Cartulaire de Marmoutier pour le Perche, Mortagne-au-Perche, Meaux (Documents sur la province du Perche ; 3e série, 2), 1894, n° 222, p. 210-212..

Texte établi d’après a

Universis presentes litteras inspecturis decanus Bellismensis salutem in Domino.
Notum facimus quod, mota controversia coram venerabili viro et discreto Officiali Sagiensi inter religiosum virum et honestum priorem Sancti Martini de Veteri Bellismo, ex una parte, et Guillelmum Menart, Johannem Culfroit ac Johannem Foques ex altera, super eo videlicet quod supradictus prior asserebat quod cum decime omnium frugum crescentium in parochia de Danceio ad ipsum priorem pertineant suumque prioratum predictum, et eas perceperit idem prior et antecessores ejusdem a tempore a quo memoria non existit ; ipsi nampe Guillelmus et Johannes Foques et Johannes Cufroit plures terras et possessiones habeant infra metas parochie supradicte et de decimis ad supradictum priorem et suum prioratum pertinentibus, causis et rationibus quibus supra, de frugibus ab eisdem Guillelmo et Johanne vel eorum mandato perceptis in predictis terris et possessionibus, infra metas dicte parochie existentibus, sepedicti Guillelmus et Johannes vel eorum mandatum, aut eorum mestivarii, ipsis hoc ratum habentibus, ipsorum nomine vel ipsis scientibus, a sexdecim annis et citra, decimam partem quam vulgariter appellant redecimam retinuerint, contra voluntatem predicti prioris, qui tanto tempore in dicto prioratu permansit, quam decimam partem prefatus prior estimabat et adhuc estimat, contra quemlibet predictorum Guillelmi et Johannis, unum sextarium frumenti valoris sexdecim solidorum turonensium, et unum siliginis valoris decem solidorum, unum ordei valoris septem solidorum, unum avene valoris quinque solidorum, unumque minotum de pisis valoris trium solidorum, dimidium minotum de fabis valoris decem et octo denariorum, in quibus idem prior prefatos Guillelmum et Johannes petebat condempnari pro tempore preterito per sententiam dicti officialis, causis et rationibus quibus supra, et cum hoc ipsos condempnari et compelli ad solutionem dicte decime partis faciendam in posterum ipsi priori et suis successoribus, ut est rectum, ipsis Guillelmo et Johannibus premissa negantibus vel eorum defensore videlicet Gaufrido Lesuor, ad certam penam coram officiali predicto :
Tandem presentibus coram nobis dicto Bellismensi decano, in jure, supradicto priore, ex una parte, et dictis Guillelmo Menart Johanne Cufrait atque Johanne Foques, ex altera, ipsi Guillelmus et Johannes et Johannes, sua spontanea voluntate, consentiente in hoc supradicto priore, tactis sacrosanctis evangeliis juraverunt quod quicquid Guillelmus Guimont et Gaufridus de Leschacerie, qui decimas dictarum frugum in dicta parochia de Danceio nomine prioris predicti vel de mandato ejusdem collegerant a quinquennio et citra, vel quicumque alius collegisse poterunt vel volent dicere per suum juramentum quod supradicti Guillelmus et Johannes et Johannes retinuerint, vel alius pro eisdem, de dicta decima predicti prioris a tempore dicti quadriennii et citra, contra voluntatem eorum qui predictas decimas nomine prioris predicti supradicto tempore collegerint, ipsi Guillelmus et Johannes et Johannes prefato priori vel suo mandato suisque successoribus decimas de suis frugibus, quas percipient in futurum in dicta parochia de Danceio, sine diminutione vel retentione, persolvent et persolvi precipient suis mestivariis si quos habebunt, sicut juraverunt coram nobis, quemadmodum idem prior et sui successores in aliis parochiis de archidiaconatu Bellismensi in quibus habent decimas, causis et rationibus quibus supra, ipsas decimas percipiunt et hactenus percipere consuevit sepedictus prior et antecessores ejusdem. Et nos decanus, presentibus dictis Guillelmo et Joanne et Joanne coram nobis et in premissis consentientibus, in scriptis ad hec tenenda facienda et observanda finaliter condempnavimus, sigillum decanatus nostri Bellismensis ad confirmationem omnium premissorum presentibus apponentes.....
Actum de consensu dictarum partium die veneris post Epiphaniam Domini, anno Domini Mº CCº nonagesimo tercio.

Pour citer l'acte :

« Acte 2710 », dans SCRIPTA. Base des actes normands médiévaux, dir. Pierre Bauduin, Caen, CRAHAM-MRSH, 2010-2024. En ligne : https://mrsh.unicaen.fr/scripta/doc/sc_2710.html [consulté le 24/11/2024].

Création de la fiche

2007-06-13

Dernière mise à jour

2023-12, EMancel