Scripta n° 5202

Numéro Scripta	5202

Auteur(s)	Lucius III [pape]
Bénéficiaire(s)	Gruchet-le-Valasse, Notre-Dame du Vœu du Valasse (abbaye)

Genre d'acte	bulle
Authenticité	non suspect
Datation	1185, 6 mai
Lieu d'émission	Vérone
Action juridique	confirmation
Langue du texte	latin

Analyse

Le pape Lucius [III] confirme les privilèges des Cisterciens (Bulle obtenue par l’abbaye Notre-Dame du Valasse).

Tableau de la tradition

Éditions principales

a. Ramackers Johannes, Papsturkunden in Frankreich, Neue Folge 2 Normandie, Göttingen, Vandenhoeck & Ruprecht (Abhandlungen der Gesellschaft der Wissenschaften zu Göttingen. Philologisch-historische Klasse, 21), 1937, 2 vol., n° 264, p. 357-359..

Dissertation critique

Datation

Datation proposée par J. Ramackers.

Texte établi d’après a

LVCIVS episcopus seruus seruorum Dei. Dilectis filiis abbatibus et vniuersis fratribus ordinis Cisterciensis salutem et apostolicam benedictionem. Cum ordo uester per infusionem diuine gratie longe lateque fidelibus Christi sit odor uite in uitam, in his, que iuste requiritis, tanto facilius nostrum impertimur assensum, quanto plures exemplo uestro in ecclesia Dei proficiunt ad salutem. Eapropter, dilecti in domino filii, uestris iustis postulationibus clementer annuimus et *auctoritate presentium indulgemus, ut, si archiepiscopi uel episcopi, in quorum parrochiis domus uestre fundate sunt, cum humilitate ac deuotione debita requisiti abbates aliis substitutos benedicere et cetera, que ad officium episcopale pertinent, exhibere forte renuerint, eisdem abbatibus, si tamen sacerdotes fuerint, liceat nouitios proprios benedicere et cetera ad officium suum spectantia exercere et ab alio episcopo illa percipere, que a suo indebite fuerint denegata, illud adicientes, ut in recipiendis professionibus, que a benedictis uel benedicendis abbatibus exhibentur, ea sint episcopi forma et expressione contenti, que ab origine ordinis noscitur instituta et hactenus obseruata, scilicet ut abbates ipsi, saluo ordine suo, profiteri debeant et contra statuta ordinis apostolice sedis priuilegio roborata nullam professionem facere compellantur. Quod si sedes diocesani episcopi forte uacauerit, hec omnia a uicinis episcopis libere suscipere et absque contradictione possitis, sic tamen ut ex hoc in posterum propriis episcopis nullum preiudicium generetur, et quoniam interdum propriorum episcoporum copiam non potestis habere, si aliquem episcopum per uos transire contigerit, ab illo benedictiones uasorum et uestium recipere ualeatis. Paci quoque et tranquillitati uestre prouidere uolentes districtius prohibemus, ne quis uos ad secularia iudicia prouocet, sed, si quis sibi putauerit aliquid in uos de iure competere, sub ecclesiastico iudice experiendi habeat facultatem. Nullus etiam uos uel fratres uestros ad concilia, sinodos aut aliquos conuentus publicos ire compellat nec ad domos uestras accedat causa ordines celebrandi, crisma faciendi *aut aliquos conuentus publicos conuocandi. In causis autem propriis, siue ciuilem siue criminalem contineant questionem, liceat uobis fratrum uestrorum, quos ad hoc idoneos esse constiterit, testimoniis uti, ne ex defectu testium ius uestrum ualeat deperire. Auctoritate quoque apostolica interdicimus, ne quis uicinos uel mercennarios uestros pro eo, quod uos ad laborandum adiuuerint in illis diebus, in quibus laboratis et alii feriantur, uel aliqua occasione eorum, que ab apostolica benignitate uobis indulta sunt, seu benefactores uestros pro eo, quod aliqua uobis beneficia uel obsequia ex caritate prestiterint, interdicere aut uinculo anathematis audeat innodare. Quod si quis in aliquem de familia uestra, donec in famulatu uestro permanserit, propter detentionem decimarum uel aliud aliquid a sede apostolica ordini uestro concessum excommunicationis uel interdicti sententiam promulgauerit, liceat uobis eos absoluere in metu mortis et ipsis ecclesiastica sacramenta cum sepultura conferre. Nulli ergo etc. Si quis autem etc. Dat. Veron. II non. maii.

Pour citer l'acte :

« Acte 5202 », dans SCRIPTA. Base des actes normands médiévaux, dir. Pierre Bauduin, Caen, CRAHAM-MRSH, 2010-2024. En ligne : https://mrsh.unicaen.fr/scripta/doc/sc_5202.html [consulté le 24/11/2024].

Création de la fiche

2009-03-11

Dernière mise à jour

2023-12, EMancel