Scripta n° 5459

Numéro Scripta	5459

Auteur(s)	Coutances (official)
Bénéficiaire(s)	Coutances (chapitre cathédral)

Genre d'acte	vidimus
Authenticité	non suspect
Datation	1276, 9 novembre
Action juridique	confirmation
Langue du texte	latin

Analyse

L’official de Coutances vidime une sentence rendue par l’official de Valognes et Raoul de Quibou, chanoine de Coutances, à propos des dîmes des novales de Varengron et de Baudieulonde dans la paroisse de Flottemanville-Hague.

Tableau de la tradition

Éditions principales

a. Fontanel Julie, Le cartulaire du chapitre cathédral de Coutances, Saint-Lô, Archives départementales de la Manche (Sources inédites sur l’histoire du département de la Manche ; 1), 2003, n° 254, p. 392-393..

Texte établi d’après a

Universis presentes litteras inspecturis, officialis Constantiensis, sede vacante, salutem in Domino. Noveritis quod nos litteras quasdam non cancellatas, non abolitas, nec in aliqua sui parte viciatas, sub sigillis virorum venerabilium, officialis Constantiensis apud Valonias, et magistri Radulphi de Kiboc, canonici Constantiensi, sigillatas, vidimus sub forma inferius annotata :
« Universis hec visuris, officialis Constantiensis apud Valonias et magister Radulphus de Kiboc, canonicus Constantiensis, salutem in Domino. Noveritis quod cum materia questionis seu contentionis esset orta inter priorem de Ceaulx, Abrincensis diocesis, et Thomam, rectorem ecclesie de Flotemanvilla, Constantiensis diocesis, ex una parte, et venerabile capitulum Constantiensis ecclesie ex altera, super decimis novalium de Warenguelon et de Baudoini Londa, tandem super premissis in nos compromiserunt, viam pacis eligentes et consencientes, ut super premissis ordinaremus amicabiliter, inter ipsos inquisita prius veritate, prout nobis expediens videretur. Nos autem, die jovis post festum beati Petri ad vincula assignata dictis partibus in ecclesia parrochiali Sancti Salvatoris Vicecomitis ad procedendum, ut jus esset, secundum tenorem compromissi predicti, pro bono pacis ordinamus quod in portione territorii de Baudienlonde, que est inter vallem Huscalli ex parte una et fossata de Flotemanvilla ex altera opposita et viam que ducit de Sidevilla ex parte superiori et parrochiam de Torquetevilla ex parte altera, dictus prior et successores ejus habeant et percipient duas partes quarte partis decimarum novalium crescencium in posterum pacifice et quiete. In residuo vero dicti territorii de Baldoini Landa et in prefato territorio de Warenguelon, nichil percipient nec de decimis aliquid poterunt reclamare, super quibus eisdem priori et successoribus ejus perpetuum scilencium duximus imponendum. Actum cum Guillelmo dicto de Toto, presbytero, procuratore dicti capituli legitime ordinato, et cum Meno, presbytero, cavente de rato ad penam viginti librarum tur. pro predicto priore, dato fidejussore magistro Herveo, scolastico Constantiensi, de dicta pena solvenda, si contingeret eam committi. Qui Menus coram nobis officiali predicto tanquam coram ordinario judice supposuit se juridictioni nostre quoad hoc, et debet idem Menus prout promisit ibidem coram nobis infra Assumptionem beate Marie sub pena predicta facere et procurare quod dictus prior ordinationem premissam habebit ratam, et hoc per litteras procuratorias nomine dicti prioris vel alias sufficienter ut jus erit. Actum de consensu parcium, anno Domini M° CC° LXX° quarto, die jovis post festum beati Petri apostoli predictum.».
Quod vidimus testamur, sigillum Constantiensis curie in testimonium presentibus apponentes. Datum anno Domini M° CC° LXX° sexto, die lune ante festum beati Martinis hyemalis.

Pour citer l'acte :

« Acte 5459 », dans SCRIPTA. Base des actes normands médiévaux, dir. Pierre Bauduin, Caen, CRAHAM-MRSH, 2010-2024. En ligne : https://mrsh.unicaen.fr/scripta/doc/sc_5459.html [consulté le 09/05/2024].

Création de la fiche

2010-01-26

Dernière mise à jour

2023-12, EMancel