Scripta n° 1167

Numéro Scripta	1167

Auteur(s)	Guillaume Cœur de Roi [particulier]
Bénéficiaire(s)	Bayeux, Notre-Dame (cathédrale)

Genre d'acte	charte
Authenticité	non suspect
Datation	1248, juin
Action juridique	donation
Langue du texte	latin

Analyse

Guillaume Cœur de Roi donne en pure et perpétuelle aumône à l’église de Bayeux, pour le même obit, une rente annuelle de 10 sous tournois sur une masure à Bayeux qu’il tient du chapitre : les exécuteurs testamentaires de Jean d’Oenville lui versent 100 sous tournois.

Tableau de la tradition

Éditions principales

a. Bourrienne Valentin (Abbé), Antiquus cartularius ecclesiæ Baiocensis (Livre noir), Rouen-Paris, Lestringant-Picard (Société de l’histoire de Normandie), 1902-1903, 2 vol., n° CCCLXXVIII, t. 2, p. 100..

Texte établi d’après a

Sciant omnes præsentes et futuri quod ego Willelmus Cuer de Rei dedi et concessi, ob salutem animæ meæ et antecessorum meorum, Deo et ecclesiæ beatæ Mariæ Baiocensis, in puram et perpetuam elemosinam, decem solidos Turonenses percipiendos annuatim in quadam masura, quam teneo de capitulo Baiocensi, per duos denarios Turonenses per annum, videlicet quinque solidos Turonenses ad Natale sancti Johannis Baptistæ, et quinque solidos ad Natale: scilicet, ad recolendum obitum, singulis annis, bonæ memoriæ Johannis de Oenvilla, quondam canonici Baiocensis, in ecclesia Baiocensi secundum consuetudinem ejusdem ecclesiæ. Quæ masura sita est apud Baiocas, in vico qui dicitur Porta Arborea, inter domum quæ fuit Roberti Aillet, ex una parte, et domum Willelmi Le Cat, ex altera. Ego autem et hæredes mei tenemur dictæ ecclesiæ prædictos solidos contra omnes garantizare, vel excambiare alibi in nostra propria hæreditate, valore ad valorem, si eos non possemus garantizare. Et pro hac garantizatione a me et meis hæredibus facienda, executores testamenti dicti Johannis dederunt mihi, de bonis ejusdem Johannis, centum solidos Turonenses. Quod ut firmum permaneat in posterum, præsens scriptum sigilli mei munimine roboravi. Actum anno Domini millesimo ducentesimo quadragesimo octavo, mense junii.

Pour citer l'acte :

« Acte 1167 », dans SCRIPTA. Base des actes normands médiévaux, dir. Pierre Bauduin, Caen, CRAHAM-MRSH, 2010-2024. En ligne : https://mrsh.unicaen.fr/scripta/doc/sc_1167.html [consulté le 24/11/2024].

Création de la fiche

2006-05-17

Dernière mise à jour

2023-12, EMancel