⇪PDF

Scripta n° 4819

Numéro Scripta4819
Auteur(s)Innocent IV [pape]
Bénéficiaire(s)Cîteaux (ordre)
Genre d'actebulle
Authenticiténon suspect
Datation1245, 5 octobre
Lieu d'émissionLyon
Action juridiqueautre
Langue du texte latin

Analyse

Innocent IV enjoint aux autorités ecclésiastiques de respecter les priviléges et immunités de l’ordre de Cîteaux.

Tableau de la tradition

Éditions principales

a. Andrieux Jules, Cartulaire de l’abbaye royale de Notre-Dame de Bon-Port de l’ordre de Cîteaux au diocèse d’Évreux, Évreux, Hérissey, 1862, n° CXLI, p. 140-141..

Texte établi d’après a

Innocentius, episcopus, servus servorum Dei, venerabilibus fratribus archiepiscopis et episcopis, et dilectis filiis, decanis, archidiaconis, prepositis, prioribus, archipresbiteris, officialibus et aliis ecclesiarium prelatis ad quos littere iste pervenerint, salutem et apostolicam benedictionem.
Dilecti filii, abbas Cistercii ejusque coabbates et conventus, universi Cisterciensis ordinis, suam ad nos querimoniam destinarunt quod licet eis a sede apostolica sit indultum, ut a forensibus conventibus sint immunes, nullique in eos, vel eorum monasteria seu confratres, inibi commorantes, excommunicationis, suspensionis, aut interdicti contra id, quod ab origine ordinis observatum fuisse dignoscitur, sentencias promulgare ; que si promulgate fuerint, decernuntur per hujusmodi indulgenciam irrite ac inanes ; nos tamen eorum quieti et libertatibus de quo miramur non modicam invidentes ac molientes infringere indulgenciam supradictam in eos contra indultum hujusmodi de isto [sancto] predictas sententias promulgatis, quos ut fatigetis laboribus et expensis interdum ad forenses conventus accedere quandoque sentenciarum nostrarum execuciones quacumque sint auctoritate prolate suscipere invitos compellitis pro vestro arbitrio voluntatis, quamquam ex generali quod suscepisse dicemini apostolice sedis mandato teneamini eosdem in suis libertatibus et privilegiis contra pravorum pressuras et molestias defensare ; sic que sit in indulgencia concessa eis causa solacii et quietis, sit ipsis vobis contra ipsam quasi conspirantibus causa dispendii et laboris. Cum igitur sicut in lege dicitur parum sit in civitate jus esse, nisi qui illud teneatur existat, dignumque ac conveniens videatur, ut indulgencie ac privilegia que devotis ac benemeritis indulgenter contra presumptorum audaciam cum expedit defendantur, universitatem vestram rogamus monemus et hortamur attente, per apostolica vobis scripta, in virtute obediencie districte, precipiendo mandantes quatinus privilegia et indulgencias ac libertates eisdem, ab apostolica sede concessa, et eorum consuetudines rationabiles et antiquas firmas et illibatas eis de cetero pro apostolice sedis et nostra reverencia observantes, ab ipsorum super premissis coactione ac molestia penitus quiescatis ; ita quod ipsi concessa eis valeant tranquillitate gaudere ; ac super hoc per sedem eandem non oporteat, aliter provideri.
Datum Lugduni, III nonas octobris, pontificatus nostri anno tercio.

Pour citer l'acte :

« Acte 4819 », dans SCRIPTA. Base des actes normands médiévaux, dir. Pierre Bauduin, Caen, CRAHAM-MRSH, 2010-2024. En ligne : https://mrsh.unicaen.fr/scripta/doc/sc_4819.html [consulté le 09/05/2024].

Création de la fiche

2009-02-01

Dernière mise à jour

2023-12, EMancel