Scripta n° 2725

Numéro Scripta	2725

Auteur(s)	Geoffroy des Alleux, forgeron de Nocé [particulier]
Auteur(s)	Hodebourge, femme de Geoffroy des Alleux [particulier]
Bénéficiaire(s)	Saint-Martin-du-Vieux-Bellême, Saint-Martin, dépendance Saint-Martin de Marmoutier (prieuré)

Genre d'acte	charte
Authenticité	non suspect
Datation	1289, 3 novembre
Action juridique	donation
Langue du texte	latin

Analyse

Donation par Geoffroi des Alleux, artisan de Nocé et Hodeburge, sa femme, au prieur et au couvent de Saint-Martin, de cinq sols de rente perpétuelle, assignés sur une pièce de terre sise à Nocé, et d’une somme de cinquante sols tournois, à prélever sur leur succession mobilière.

Tableau de la tradition

Éditions principales

a. Barret Philibert (Abbé), Cartulaire de Marmoutier pour le Perche, Mortagne-au-Perche, Meaux (Documents sur la province du Perche ; 3e série, 2), 1894, n° 241, p. 227-228..

Texte établi d’après a

Universis..... Gaufridus de Allodiis, faber de Noceio, et Hodeborgis ejus uxor, salutem in Domino.
Notum vobis facimus quod nos de communi assensu nostro, voluntate spontanea et pietatis intuitu, atque pro remedio animarum nostrarum, dedimus et concessimus in puram et perpetuam elemosinam religiosis viris, priori et conventui Sancti Martini de Veteri Bellismo, quinque solidos monete cursalis annui et perpetui redditus, liberos et immunes, annuatim a nobis et nostris heredibus in festo sancti Andree apostoli predictis religiosis et suis successoribus persolvendos, sitos et assignatos super quadam terre pecia quam habemus in parochia de Noceio, in feodo Johanne, filie quondam Johannis de Bevreira, militis, et jungitur ex una parte juxta Bolletum, et ex altera parte jungitur juxta terram de Alneto, et se albotat superius terre de Brueriis et inferius chemino per quod itur apud Nogentum Rotrodi, habendum, tenendum predictum redditum dictis religiosis et suis successoribus, ac percipiendum a nobis et nostris heredibus, et jure hereditario imperpetuum possidendum libere, pacifice et quiete ab omnibus serviciis et redevanciis quibuscumque. Quem redditum nos et heredes nostri tenemur predictis religiosis et suis successoribus guarantire et defendere, et ab omni impedimento deliberare penitus imperpetuum contra omnes.
Preterea nos damus et concedimus, pietatis intuitu et pro animarum nostrarum salute, in elemosinam, religiosis predictis, quinquaginta solidos Turonenses, vel monete cursalis, levandos et habendos atque percipiendos a predictis priore et monachis, de bonis nostris mobilibus, vel a suis successoribus, per manus executorum meorum, si quos habuero ego dictus Gaufridus, vel heredum meorum, si ad hoc nostre mobiles sufficiant facultates. Et si bona nostra mobilia, vel pars bonorum mobilium me dictum Gaufridum contingentem ad hoc non suppetat, volumus nichilominus et precipimus quod de aliis bonis immobilibus mei dicti Gaufridi predicti, quinquaginta solidi per heredes nostros deducantur, ita quod eisdem religiosis vel suis successoribus, qui pro tempore fuerint, fiat satisfactio plena de quinquaginta solidis sepe dictis, tunc demum quum ego sepedictus Gaufridus fuero viam universe carnis ingressus. In cujus rei testimonium et munimen nos dedimus dictis priori et monachis istas presentes litteras sigillis nostris propriis sigillatas, per quas obligamus nos et heredes nostros ad omnia supradicta tenenda firmiter et fideliter observanda.
Et nos decanus Bellismensis, in cujus presencia dicti Gaufridus et sua uxor predictas donationes fecerunt, ad petitionem ipsorum Gaufridi et sue uxoris, salvo jure cujuslibet, sigillum nostrum una cum sigillis suis, ad majorem confirmationem predictorum Gaufridi et sue uxoris, presentibus litteris duximus apponendum, ipsos Gaufridum et suam uxorem in scripto ad hoc finaliter condampnantes.
Datum et actum de consensu parcium anno Domini Mº CCº LXXXº nono, mense novembris die jovis post festum Omnium Sanctorum.

Pour citer l'acte :

« Acte 2725 », dans SCRIPTA. Base des actes normands médiévaux, dir. Pierre Bauduin, Caen, CRAHAM-MRSH, 2010-2024. En ligne : https://mrsh.unicaen.fr/scripta/doc/sc_2725.html [consulté le 21/11/2024].

Création de la fiche

2007-06-13

Dernière mise à jour

2023-12, EMancel