⇪PDF

Scripta n° 8468

Numéro Scripta8468
Auteur(s)Guillaume de Semilly [particulier]
Bénéficiaire(s)Aunay-sur-Odon, Notre-Dame d’Aunay (abbaye)
Genre d'actecharte
Authenticiténon suspect
Datation1204
Action juridiquedonation
Langue du texte latin

Analyse

Donation par Guillaume de Semilly fils d’Enguerrand du Hommet

Tableau de la tradition

Éditions principales

a. Le Hardy Gaston, Étude sur la baronnie et l’abbaye d’Aunay-sur-Odon, Caen, H. Delesques, 1897, Pièces, n° 12, p. 272-275..

Texte d’après a

Willelmus de Semilleio Enguerranni de Humeto filius omnibus Sanctæ matris Ecclesiæ filius ad quos præsens carta pervenerit : in Domino Salutem. Quum generatio prœterit et generatio advenit, et in brevi gestorum memoria aboletur, in scripturæ beneficio conservetur quæ Abbatiæ Alneti antecessorum meorum largitione et mea donatione collata sunt, litteris mandare, testibus firmare, sigillo munire commodum existimavi, ne cujusque temeraria audacia famulorum Dei possessiones concutiat calumpniis, ipsorumque quietem perturbet. Hunc itaque monachi de Alneto ex dono Jordani de Saio avi patris mei et Lucie uxoris ejusdem Jordani, aviæ patris mei, locum in quo primum constructa est abbatia, sicut descendit terra de Monte us Oudonem et partem forestæ sicut via descendit versus domum Osberti Carpentarii. Ex dono corumdem terram de Repentis concessa Radulfi de Bures et heredum suorum quam Lucia prædicta avia patris mei emerat. Item ex dono eorumdem quoddam nemus juxta nemus Anketilli concedente Radulfo de Bures et hœredibus suis. Ex dono eorumdem decimam totius dominii et decimam molendinorum de Deserto, et decimam moledinorum, et theloneï, et virgultorum, et pecorum, et vivarii de Alneto ; quam scilicet decimam vivarii Enguerannus pater meus dedit. Item ex dono eorumdem duas garbas decime de Baucheio. Item ecclesiam de Herovilleii, et quicquid habebant in ecclesia de Ranvilla et in decima, et decima molendini sui in eadem ; Item in Cormorlain decimam totius dominii sui. Item ecclesiam Balereii cum tota decima, et decimam molendini. Ex dono autem Luciæ aviæ patris mei pratum unum in Baucheio. Ex donatione vero avi mei Ricardi de Humeto et Agnetis aviæ meæ, concessu Engueranni patris mei et Willelmi de Humeto avunculi mei, sedem et positionem abbatiæ novæ super Oudonen, et XX acras terræ feodi filiorum Alveredi. Item totam terram de masura arsa quam avus meus emit de Radulfo de Næris. Item totam villam quæ dicitur Ferraria cum bosco Aalouf, et cum omnibus pertinentiis suis excepta ecclesia et molendino. Ex proprio dono Engueranni patris mei XXX acras terræ apud Alnetum juxta territorium Sti Georgii. Item ecclesiam de Bennevilla cum omnibus decimis et pertinentiis suis, concessu Ceciliæ matris meæ et Henrici fratris mei, concessu et Ranulfi de Braibouf qui de Enguerranno patre meo eam tenebat, et concessu Petri filii ejus. Item ecclesiam de Cambis cum omnibus pertinentiis suis, Cecilia matre mea concedente, et redonante, concessu Henrici fratris mei. Item ex donatione Ceciliæ matris meæ Ecclesiam Sti Ebremundi de Similleio cum terra elemosinaria et cum omnibus decimis et appenditiis ac pertinenciis suis, Henrico fratre meo ad cujus presentationem post decessum matris eadem spectabat ecclesia, presentationem ejusdem ecclesiæ, et quicquid juris in ea habere debebat, monachis de Alneto concedente et donante, et super altare cum Cecilia matre mea ponente. Item ex dono meo proprio porciunculam terræ ad perficiendum clausum monachorum quod situm est ultra montem juxta nemus meum, et quicquid juris in clauso habere debebam, sublata de medio omni calumpnia, et a me, et ab hæredibus meis. Item viam quæ tendit ad grangiam per nemus meum, et portam quæ est a parte nemoris mei propinquior dedi et concessi monachis in perpetuam elemosinam. Item positionem quandam ad faciendum quoddam vivarium inter abbatiam et monasterium Alneti cum molendino Folerez quod ibi situm est super Oudonem fluvium. Has autem predictas donationes liberas et quietas, et ab omni servitio et consuetudine et exactione absolutas, ego Willelmus de Similleio Deo et abbatiæ beatæ Mariæ de Alneto concessi et presenti carta confirmavi, et sigillo meo munivi, pro salute animæ meæ et animarum patris mei, et matris meæ, et fratrum meorum, et omnium antecessorum et successorum meorum, nullum donum vel servitium in rebus monachorum vel hominum in terra eorum manentium mihi vel posteris meis reservans, hac solummodo contentus remuneratione ut orationum, missarum et hujusmodi obsequiorum spiritualium, frater et consors et particeps esse merear. Testibus his : Willelmo de Humeto – Ricardo de Humeto – Willelmo de Sai filiis ejus – Jordano clerico – Gaufrido, Engueranno fratribus meis – Silvestro de Sicca Villa – Rogero Suhart – Rogero de Logis – Ricardo de Rovecestria – Wuillelmo de Rovecestria – Radulfo de Montibus.

Pour citer l'acte :

« Acte 8468 », dans SCRIPTA. Base des actes normands médiévaux, dir. Pierre Bauduin, Caen, CRAHAM-MRSH, 2010-2024. En ligne : https://mrsh.unicaen.fr/scripta/doc/sc_8468.html [consulté le 21/11/2024].

Création de la fiche

2014-03-21

Dernière mise à jour

2023-12, EMancel