Scripta n° 2728

Numéro Scripta	2728

Auteur(s)	Odin Renart [particulier]
Auteur(s)	Isabelle, femme d’Odin Renart [particulier]
Bénéficiaire(s)	Guillot le Clousier, de Vaunoise [particulier]
Bénéficiaire(s)	Denise, femme de Guillot le Clousier [particulier]

Genre d'acte	charte
Authenticité	non suspect
Datation	1300
Action juridique	échange
Langue du texte	ancien français

Analyse

Echange entre Odin Renart et Guillot Le Clousier, de Vaunoise, d’une planche de vigne, de pièces de terre et de pré, sises à Origni-le-Butin, contre une rente de trente et un deniers tournois cedée audit Renart par Guillot Le Clousier.

Tableau de la tradition

Éditions principales

a. Barret Philibert (Abbé), Cartulaire de Marmoutier pour le Perche, Mortagne-au-Perche, Meaux (Documents sur la province du Perche ; 3e série, 2), 1894, n° 244, p. 230-231..

Dissertation critique

Datation

Le 16 juillet 1300 ? La fête de Sainte Marie-Madeleine est le 22 juillet.

Texte établi d’après a

Saichent toz presenz et à venir que je Odin Renart et Ysabel sa fame, de nostre comun assentement, avons baillé et octrié en eschange à Guillot Le Clousier de Valnoise et à Denise sa fame, et à lor hers, la maitié d’une planche de vigne, qui est au claus des Cloz, et la maitié d’une pièce de pré qui est apelé le Pré Claus, qui fut feu Robert Renart, et la maitié d’une pièce de terre et de pré qui est apelée l’Eschange, et la maitié d’une pièce de terre qui est apelée la Broce ; et sunt totes les dites choses ès paroisses de Origne le Botin et de Valnoise, ès fiez au saigneur de Clinchamp et au saigneur de Valnoise, à tenir et à possair fiéaument et héritaument, sanz nul contredit de nous ne de naus hers, franches et quites de totes choses à nous et à quiequanques autres apartenans en quelconque menière, et totes les dites choses, si come il se possieent, en lonc et en lé, nous somes tenus garanter, défendre et délivrer audit Guillot et à sa fame, et à lor hers de toz et encontre toz, et deservir de toz services et de totes redevances, et de totes autres choses vers totes persones, tant d’iglise que séculières ; et prometon en bone fai que nous ne reclemeron jamès rien ès dites choses par réson de doaire ne par autre, et renomçon à totes les choses par les queles la dite eschange puisse estre repetiée ou rapelée ou tens à venir, par nous ou par naus hers, ou par autres qui aient cause de nous. Et à totes ces choses fere et tenir a toz jors sanz nul contredit, nous obligon nous et naus hers et toz naus biens mobles et inmobles présenz et à venir, par ces letres que nous avons donées audit Guillot et à sa fame, et à lor hers, soelées en naus saiaus.
Et ledit Guillot et sa fame ont baillié à nous et à naus hers en eschange por les dites choses, trente et un deniers tournais et demie géline d’anuel et perpétuel cens, que nous et naus hers lor estion tenuz fère chacun, an à la Saint Johen, et vint et deus deniers de cens et une geline que Guillot de Lengelerie fesait audit Guillot et à sa fame, et à lor hers, chacun an, audit terme, sur Laulerière ; et vint et un deniers tornais de rente que Johennin Renart et sa fame et lor hers fesaient audit Guillot et à sa fame, et à lor hers, chacun an en la feste de Noël, sur le pré qui fut feu Guillot Sédile ; et une pièce de terre et de pré, qui est en la paroisse d’Origni-le-Botin, ès fiez au saigneur de Clinchamp, entre la terre que ledit Guillot et sa fame retrastèrent de Raoul de Bellaviller et de Samolet de l’autre ; et abote d’une part au chemin par lequel l’en vet de Mauves à Bellesme, et de l’autre à la haie d’un pré dame Gile de Lengelerie, à tenir et à possaair de nous et de naus hers féaument et héritaument chacune des choses desus dites, en tèles menières que ledit Guillot et sa fame et lor hers seront tenuz deservir la dite pièce de terre et de pré de toz services et de totes autres choses, vers tote persones, et de totes autres choses. Et à totes ces choses fere et tenir à toz jors sans nul contredit, nous obligon nous et naus hers et toz naus biens moble et inmobles présenz et à venir par ces letres que nous avons donées audit Guillot et à sa fame et à lor hers soelées en naus saiaux.
Ce fut fait et doné l’an de grâce mil et trois cenz, le semadi devant la Magdelaine.

Pour citer l'acte :

« Acte 2728 », dans SCRIPTA. Base des actes normands médiévaux, dir. Pierre Bauduin, Caen, CRAHAM-MRSH, 2010-2024. En ligne : https://mrsh.unicaen.fr/scripta/doc/sc_2728.html [consulté le 24/11/2024].

Création de la fiche

2007-06-13

Dernière mise à jour

2023-12, EMancel