⇪PDF

Scripta n° 754

Numéro Scripta754
Auteur(s)Rouen (official)
Bénéficiaire(s)Le Tréport, Saint-Michel (abbaye)
Genre d'actecharte
Authenticiténon suspect
Datation1257, 21 novembre
Action juridiquerèglement conflit
Langue du texte latin

Analyse

Accord entre les moines du Tréport et Nicolas, curé d’Aubéguimont, au sujet des dîmes de cette paroisse

Tableau de la tradition

Éditions principales

a. Laffleur de Kermaingant Pierre, Cartulaire de l’abbaye de Saint-Michel du Tréport (ordre de Saint-Benoît), Paris, Didot, 1880, n° CXCVII, p. 220-222..

Texte établi d’après a

Omnibus hec visuris.., officialis Rothomagensis, salutem in Domino. Noveritis quod, cum proponeret in jure coram nobis magister Nicholaus, rector ecclesie de Aubegnimont, contra viros religiosos .., abbatem, et conventum de Ulteriori Portu, quod dicti religiosi erant in possessione, vel quasi, percipiendi terciam partem tocius decime fructuum crescentium in omnibus terris infra fines predicte parrochie sitis ; unde, cum non esset eis jus percipiendi decimas in predictis, utpote que ad dictum rectorem et ecclesiam suam pertinebant jure communi, petebat idem rector, nomine ecclesie sue predicte, dictos religiosos condempnari et compelli ad dimittendum eidem, et ecclesie sue, percipere dictam decimam totam in dictis terris, et eisdem religiosis, super perceptione dicte decime, in posterum perpetuum silentium imponi, et eamdem decimam dicto rectori, nomine ecclesie sue, diffinitive adjudicari ; maxime, cum dicte terre essent novalia, utpote de novo redacte ad culturam, et cum dicti religiosi fuissent et essent male fidei possessores, petebat ipsos condempnari et compelli ad reddendum sibi, et ecclesie sue, ducentas libras turonensium, pro arreragiis dicte decime ab eis percepte : tandem, inter dictos religiosos et dictum presbiterum, de consensu earumdem partium, amicabilis compositio intervenit in hunc modum quod, cum prefati religiosi de Ulteriori Portu medietatem decimarum quorumdam novalium, faclorum nuper in eadem parrochia, ac religiosi viri.., abbas et conventus Foucardi Montis aliam medietatem, hujus siquidem medietatis, quam percipiebant sepe dicti viri religiosi de Ulteriori Portu, prefatus presbiter et ejus successores unam habeat medietatem in futurum, dicti religiosi de Ulteriori Portu reliquam in perpetuum habeant medietatem ; simili modo et de novalibus omnibus in eadem parrochia de cetero faciendis, exceptis quibusdam novalibus veteribus, in quibus dictus presbiter et ejus successores percipient terciam partem, prout actenus ipse et predecessores sui percipere consueverunt, et dicti religiosi et eorum successores aliam terciam partem percipient eorumdem. Promiserunt etiam partes predicte, coram nobis, predictas conventiones omnes et singulas fidel[iter] et inviolabiliter observaturas, et de cetero contra ea[s] vel aliquam earum in aliquo foro ecclesiastico vel seculari non venturas. Obligavit etiam idem presbiter se, et successores suos, ad observandam compositionem antedictam. Voluerunt siquidem, et expresse concesserunt coram nobis partes predicte ut dicta compositio per reverendum patrem O., Dei gracia Rothomagensem archiepiscopum, confirmetur. In cujus rei testimonium, presenti scripto sigillum curie nostre, ad instanciam dictarum partium, duximus apponendum. Actum die mercurii ante festum sancti Clementis, anno Domini Mº. CCº. quinquagesimo septimo. Valete.

Pour citer l'acte :

« Acte 754 », dans SCRIPTA. Base des actes normands médiévaux, dir. Pierre Bauduin, Caen, CRAHAM-MRSH, 2010-2024. En ligne : https://mrsh.unicaen.fr/scripta/doc/sc_754.html [consulté le 22/12/2024].

Création de la fiche

2006-05-12

Dernière mise à jour

2023-12, EMancel