⇪PDF

Scripta n° 83

Numéro Scripta83
Autre(s) référence(s)Tabuteau 10 / ARTEM 1981
Auteur(s)Hugues de Rocé [chevalier]
Bénéficiaire(s)Saint-Martin-du-Vieux-Bellême, Saint-Martin, dépendance Saint-Martin de Marmoutier (prieuré)
Genre d'actenotice
Authenticiténon suspect
Datation1067, 6 décembre
Action juridiqueconfirmation
Langue du texte latin

Analyse

Notice relatant la confirmation, en faveur de Marmoutier, par Hugues de Rocé, à l’occasion de son entrée en religion, de ses donations précédentes pour la fondation du prieuré de Saint-Martin du Vieux-Bellême, et l’accord intervenu avec Hervieu de Bréviard, parent du dit Hugues de Rocé, qui prétendait avoir droit, en vertu d’un contrat précédent, d’hériter de tous les biens du susdit Hugues.

Tableau de la tradition

Éditions principales

a. Barret Philibert (Abbé), Cartulaire de Marmoutier pour le Perche, Mortagne-au-Perche, Meaux (Documents sur la province du Perche ; 3e série, 2), 1894, n° 6, p. 16-18..

Texte établi d’après a

Nosse debetis, si qui eritis posteri nostri Majoris scilicet habitantes monasterii S. Martini, Hugonem de Roceto, post annos plures ex quo donaverat nobis ecclesiam Sancti Martini de Bellissimo, cum voluntatem postea insumpsisset ut monachus apud nos fieret, totum ex integro rursum donasse nobis quidquid tune ad illam ecclesiam pertinens retinuerat. Fecit hoc apud eamdem ecclesiam, anno ab incarnatione Domini, MLXVII, presidente nobis anno quarto domno abbate Bartholomeo, mense decembris, octavo idus ejusdem mensis, presentibus tunc ibidem atque vice omnium nostrum suscipientibus hanc donationem domno Odone, nostro tunc priore, domnoque Beraldo ecclesie ipsi rebusque preposito ; presente quoque atque favente domno Ivone Sagiensi episcopo, de cujus erant ea omnia fevo, cum testibus pluribus aliis, nominibus his : Warino Bastardo, Hugone de Colentiis, Willelmo fratre ejus, Warino filio Johannis presbyteri, Drogone filio Hilgodi, Walterio Traverso fratre ejus, Hugone de Monte Lotharii, Roberto filio Rainbaldi, Bernardo Loridone, Walterio filio Seimfredi, Alherio theloneario, Seimfredo clerico de Livariaco, Huberto de Valnoisa, Girardo bastardo filio ipsius Hugonis de Roceto, qui et donationes supradictas patris sui, quantum ipsius esse poterat auctorizavit.
His peractis, die mox eadem Herveus de Breviardo, parens quidem Hugonis ejusdem, donationi ipsius calumniator insurgens, quia scilicet pactum jam olim cum ipso haberet ut quilibet ipsorum prior obiret, alteri sua possessa dimitteret, satagentibus statim supradictis fratribus nostris, Odone atque Beraldo, ipse quoque die nichilominus eadem hoc modo sue imposuit calumnie finem. Ad presens quidem spoponderunt ei memorati fratres denariorum quatuor libras ; ex quo autem Hugo monachus factus foret ac mortuus, quamdiu postea viveret ipse Herveus acciperet decem solidos quotannis. Haberet etiam servitium militum de rebus ipsis quas Hugo tunc donabat nobis fevatorum. Nullus autem suus heres reclamaret ista post ipsum.
Atque ita calumniam illam ex integro guerpivit et donationem nobis Hugonis auctorizavit, coram ipso supradicto Ivone episcopo, coramque aliis testibus plurimis, his nominibus aliquantis : Warino et Willelmo nepotibus Ivonis episcopi, Ernaldo Gruello, Hagone de Monte Lotharii, Hugone de Sperreia, Sigemfredo de Esbiarcio, Herveo de Monte-Gualdrici, Willelmo de Villa lulena, Willemo Longo, Warino filio Johannis Presbiteri, Walterio Traverso, Lamberto filio Lancelini.
S. Philipi Framquorum regis.
S. Husgonis Melandis comitis.
S. Husgonis de Puteolo.
S. Frederici de Curbeio.
S. Gauterii constabularii.
S. Guillelmi prepositi Carnotensis ecclesie.
S. Bauduini dapiferi.
S. Galeramni camerarii.
S. Gillelmi Comitis Nivernensis, ipsa die qua filiam suam donavit Usberto vicecomiti Cenomannorum.

Pour citer l'acte :

« Acte 83 », dans SCRIPTA. Base des actes normands médiévaux, dir. Pierre Bauduin, Caen, CRAHAM-MRSH, 2010-2024. En ligne : https://mrsh.unicaen.fr/scripta/doc/sc_83.html [consulté le 04/11/2024].

Création de la fiche

2005-02-03

Dernière mise à jour

2023-12, EMancel