Scripta n° 2463

Numéro Scripta	2463

Auteur(s)	Thomas Quinedort [clerc]
Bénéficiaire(s)	Coutances (hôtel-Dieu)

Genre d'acte	charte
Authenticité	non suspect
Datation	1256, janvier
Action juridique	vente
Langue du texte	latin

Analyse

Thomas Quinedort vend à l’Hôtel-Dieu de Coutances, pour la somme de neuf livres, 15 sous tournois, neuf boisseaux de froment de rente à prendre sur ses terres de Courcy.

Tableau de la tradition

Éditions principales

a. Le Cacheux Paul, Essai historique sur l’Hôtel-Dieu de Coutances, l’hôpital-général et les Augustines hospitalières depuis l’origine jusqu’à la Révolution avec cartulaire général, Paris, Picard, 1895-1899, 2 vol., t. 2, n° LXX, p. 56-57..

Texte établi d’après a

Sciant omnes presentes et futuri quod ego Thomas Quinedort, clericus, filius quondam Rogeri Quinedort, patris mei defuncti, vendidi et concessi et finaliter dimisi priori et fratribus domus Dei Constanciensis novem boessellos frumenti annui redditus ad mensuram Constanciensem, quod frumentum michi debebat et reddebat, et Nicholao fratri meo dum viveret, annuatim ad festum Sancti Michaelis, Nicholaus de Parco, ex successione patris nostri defuncti, pro sex peciis terre quas de me et de fratre meo, dum viveret, tenebat in feudum et hereditagium, pro predictis novem boesellis frumenti, annui redditus, idem Nicholaus in parrochia de Corceio. Quarum peciarum terre una est sita in campo qui vocatur clausus de Haus, inter terram Guillelmi Adanz et queminum per quod itur de Constanciis apud Sanctum Laudum et butat ad dictum queminum ab uno capite et ab alio versus vicum Az Quinedort. Et alia pecia sita est in campo qui vocatur campus de Cruce, inter terram Ricardi de Parco et terram Johannis Quinedort et butat versus queminum supradictum. Et tercia pecia sita est in campo desuper fossetos, inter terram Roberti de Campania et buta terrarum as Quinedort de Crisuiris et butat versus terram Guillelmi Adanz. Et quarta pecia sita est in campo de Crisuiris, inter terram Roberti Quinedort et terram Johannis Quinedort et butat versus festum de Landa. Et quinta pecia sita est super festum de Landa, inter terram Guillelmi Adanz et terram Johannis Quinedort et butat versus parvum queminum. Et sexta pecia sita est supra doitum Toroude, inter terram Johannis Quinedort et terram Guillelmi Adanz ; habendum et tenendum et in perpetuum hereditagium pacifice possidendum eisdem priori et fratribus et eorum successoribus in eadem domo habitantibus, libere et quiete, sine reclamacione mei et heredum meorum, salvo tamen jure capitalium dominorum in omnibus. Et ego Thomas et heredes mei tenemur eisdem priori et fratribus et eorum successoribus predictum frumentum garantizare et deliberare contra omnes bona fide et alibi in nostro proprio hereditagio competenter exscambiare, si garantizare non possemus. Et, pro ista vendicione predicti frumenti a me taliter facta, predicti prior et fratres michi dederunt novem libras turonensium et quindecim solidos turonensium et persolverunt et de eisdem me teneo pro pagato. Et ut hoc firmum et stabile permaneat in futurum, ego Thomas presentem cartam sigilli mei munimine roboravi, et ad majorem certitudinem et sigilli mei noticiam sigillum curie Constanciensis presenti carte ad petitionem meam apponi precavi. Actum anno domini millesimo ducentesimo quinquagesimo quinto, mense Januarii.

Pour citer l'acte :

« Acte 2463 », dans SCRIPTA. Base des actes normands médiévaux, dir. Pierre Bauduin, Caen, CRAHAM-MRSH, 2010-2024. En ligne : https://mrsh.unicaen.fr/scripta/doc/sc_2463.html [consulté le 22/12/2024].

Création de la fiche

2007-06-05

Dernière mise à jour

2023-12, EMancel